У горадзе валадарыць Рагвалод
- Автор: Разанаў Алесь
- Год: 1992
- Язык: белорусский
- Год: Мастацкая літаратура
- ISBN: 5-340-01156-9
- Жанр: Прочая поэзия
Электронная книга - «У горадзе валадарыць Рагвалод». Краткое содержание книги:
Зборнік склалі новыя паэтычныя мініяцюры i вершаказы — жанр, праз які слова выяўляе свае таямніцы i ўтварае свой нечаканы партрэт. «Горад», «Дуб», «Жалеза», «Камень», «Дарога» — гэта вобразы-назвы, вобразы-тэмы некаторых вершаказаў. У мазаіцы разнастайных фарбаў, з якіх вынікаюць гэтыя новыя для беларускай паэзіі творы,— адлюстроўваецца космас эпасу.
Перейти на страницу:
*
У старажытным парку
раптоўна ўзляцелі
гурмой вароны:
нібы жывая істота
ў галінах вагаецца крык,
успуджваючы ўсё навокал.
*
Які агромністы дом!..
Тут што ні дня
то свята,
а то жалоба.
*
Аркуш паперы —
аркуш жыцця:
забіраецца час,
збіраюцца знакі.
*
Усё змясцілася ў маім целе:
безліч вякоў,
безліч жыццяў,
а сам я —
не.
*
Яшчэ не світала —
прастукацелі па вуліцы
нейчыя крокі.
Пра што яны гаварылі?
Нешта i пра мяне.
*
Дрэвы ўскрай прорвы:
стаяць —
бы схапіліся ў бітве з лёсам:
лаакаоны.
*
Ca старажытнага бору
насоўваецца змярканне.
Ці — старажытнасць?
Перейти на страницу: